睇电子杂志 低碳又够写意
“唉，真系好冻啊，唔知道咁冻嘅天时仲要持续几耐呢？”相信唔少兄弟姊妹同白领一样，都为近排冻到入骨嘅天时有唔少苦恼。手脚僵硬，连敲键盘嘅速度都慢咗唔少。当然，夜蒲嘅几率就更加少上加少咯。咁鬼冻，又边有人愿意喺出边吹风啊。天冻唔去夜蒲，留喺屋企做乜好？睇书、睇杂志当然系首选，不过近排唔少白领“童鞋”（同学）抱怨，平日睇开嘅杂志都涨晒价，有D唔爽。咁不如学阿姐咁，转睇相对便宜又低碳嘅电子杂志啦！睇到闷闷哋，就直接转电脑煲剧，真系一举几得噶。
阴天为主 7℃～13℃ 湿度：40%～80% 2-3级北到东北风
旧历腊月初十 宜：修饰垣墙 平治道涂 忌：嫁娶 移徙 入宅 开光
饮食指数
小心陶瓷
小心你而家喺屋企用紧嘅陶瓷碗碟同勺子喔，皆因佢哋有可能系重金属严重超标嘅“三无产品”！广东省工商局公布咗旧年广东流通领域日用陶瓷商品监测情况：120款抽查日用陶瓷餐茶具商品中，23款有重金属超标或其他严重质量问题，另有72款是无名称、无厂名、无厂址的“三无产品”。真系几得人惊。大家不妨学阿姐咁，换批不锈钢餐具啦！又唔怕跌，又唔怕有污染。
拿钱指数
高
亚运交通补贴终于“派金”啦！从琴日开始至3月31日，亚运大礼包之一嘅交通补贴发放，发放地点主要喺各区嘅居委会。各位白领揸紧时间去攞啦。记得带齐证件喔。
阅读指数
电子杂志
天冻唔去夜蒲，留喺屋企做乜好？睇书、睇杂志当然系首选，不过近排唔少白领同记者抱怨，平日睇开嘅《凤凰周刊 》等杂志都有唔同程度嘅涨价，搞到有D唔爽。阿姐就建议大家不如开始转向相对便宜而又低碳环保嘅电子杂志啦！应对涨价嘅同时，都唔使再担心一堆杂志唔知点处理好啦。
保暖指数
紧急戒备
新闻话，京珠北琴日又因为严寒天气一度堵塞咗十公里。阿姐奉劝各位过年准备返屋企嘅白领，如果可以嘅话，都系洗多少少钱，拣火车或飞机嘅方式啦。另外保暖要重新进入紧急戒备状态啦，不容松懈。
十香园 指数
高
重修后嘅十香园本来就系唔少中意旧建筑白领嘅至爱。阿姐呢排八到，十香园内正喺度搞《纪念赵少昂 诞辰105周年书画艺术展》，展期6天，将展出赵少昂嘅72幅真迹作品，实属难得。各位白领们“拉拉林”去睇啦。